दोलखा कालिञ्चोक
दोलखा जिल्लाको कालिन्चोक गाउँपालिका वडा नं. ६, लेप्टुङको नागी क्षेत्रमा रहेको “मिनि कालिञ्चोक” भनेर चिनिने नागी भगवती माईथान संरक्षणका लागि स्थानीयवासीहरू सक्रिय भएका छन् ।
पुरातन कालदेखि नै पुर्खाहरूले श्रद्धापूर्वक पूजा–आराधना गर्दै आएको यो धार्मिक स्थल जहाँको प्राकृतिक सौन्दर्यले पनि भरिपुर्ण छ। यही ठाउँको धार्मिक, सांस्कृतिक र पर्यटन महत्वलाई मध्यनजर गर्दै सम्पूर्ण स्थानीयवासीहरुले उक्त स्थललाई श्रमदान मार्फत संरक्षण कार्यको थालनी गरेका छन् ।
कालिञ्चोक भगवती मन्दिर सम्म पुग्न असहज हुनेहरुले यहाँ आएर पुजा-आज गर्ने गरेको स्थानीय दिलमाया थामीले बताईन । स्थानीय अशोक शिवाकोटीका अनुसार मन्दिर र नजिक पिकनिक स्थल समेत लाई अझ व्यवस्थित बनाउन आफुहरुले सम्पुर्ण वडा तथा पालिका वासीलाई आह्वान गरेको बताए ।
उक्त अभियानमा वडा नम्बर ६ का वडा अध्यक्ष भरत पाण्डे र वडा सदस्य राजकुमार अधिकारी पनि सहभागी थिए । अभियानको क्रममा अध्यक्ष पाण्डेले आफ्नो वडा भित्रका धार्मिक तथा सांस्कृतिक स्थलको संरक्षण तथा प्रवर्द्धन मा आफ्नो प्राथमिकता रहेको उल्लेख गरेका छन ।
फोटो सौजन्य ~
अशोक शिवाकोटी ( उहाँ शिक्षण पेशामा कार्यरत हुनुहुन्छ )
